Ngërçi institucional në Kosovë vazhdon, ndërsa palët politike mbeten të ndara për vazhdimin e seancës konstituive të Kuvendit. Ushtruesja e detyrës së presidentes, Albulena Haxhiu, ka kërkuar dialog mes partive dhe ka theksuar se zgjedhja e presidentit duhet të jetë pika kryesore e bisedimeve për tejkalimin e krizës. Ajo ka shprehur keqardhje për refuzimin e PDK-së dhe AAK-së për të marrë pjesë në takimin konsultativ, duke e konsideruar këtë mungesë vullneti dhe pozicionim barrikadues. Nga ana tjetër, PDK dhe Aleanca kërkojnë vazhdimin e seancës konstituive, por kryesuesi i saj, Avni Dehari, insiston se ajo nuk do të zhvillohet pa një marrëveshje politike për kreun e shtetit. Administrata e Kuvendit ka sqaruar se nuk ka pranuar njoftim zyrtar për seancën e 16 gushtit, ndërsa Haxhiu ka ftuar partitë në takim të mërkurën për të diskutuar dhe gjetur një zgjidhje për ngërçin.