Ministrja e Mjedisit dhe Planifikimit Hapësinor, Fitore Pacolli, ka njoftuar fillimin e procesit të trajtimit të dokumentacionit për gurthyesit që operojnë në vend. Ky hap konsiderohet thelbësor për vendosjen e rendit dhe ligjshmërisë në një sektor me ndikim të drejtpërdrejtë në mjedis dhe jetën e qytetarëve. Procesi përfshin verifikimin e plotë të përmbushjes së kushteve ligjore dhe mjedisore nga operatorët, me qëllim garantimin e standardeve më të larta në funksionimin e tyre. Përveç institucioneve shtetërore, në këtë proces janë të përfshirë edhe përfaqësues të shoqërisë civile, të cilët monitorojnë nga afër çdo hap të tij.