Komisioni Qendror i Zgjedhjeve (KQZ) ka nisur publikimin e rezultateve për kandidatët për deputetë në zgjedhjet parlamentare të 7 qershorit 2026. Procesi i numërimit dhe verifikimit ka filluar paraditen e së hënës në Qendrat Komunale të Numërimit (QKN) në 15 komuna të ndryshme, ndërsa pasditen e së hënës është zgjeruar edhe në 23 komuna të tjera. Numërimi i votave për subjektet politike bëhet menjëherë pas përfundimit të votimit në vendvotime, ndërsa numërimi i votave për kandidatët zhvillohet në QKN-të, ku po bëhet edhe verifikimi i rezultateve nga formularët e plotësuar. Pas përfundimit të numërimit për secilin vendvotim, rezultatet transmetohen në platformën zyrtare të KQZ-së, ku qytetarët mund t'i ndjekin ato në kohë reale.