Procesi i votimit ka filluar në Mitrovicën e Jugut dhe Mitrovicën e Veriut, si dhe në komunat e tjera veriore të Kosovës, duke u zhvilluar paralelisht me qendrat e tjera në vend. Në Mitrovicën e Jugut, rreth 80 mijë qytetarë kanë të drejtë vote në 32 vendvotime dhe një vendvotim me kusht, ndërsa në Mitrovicën e Veriut janë 18 mijë e 781 votues në gjashtë qendra dhe një vendvotim me kusht. Komisionet Komunale të Zgjedhjeve kanë konfirmuar praninë në kohë të materialeve zgjedhore dhe sistemimin e vëzhguesve në të gjitha qendrat e votimit. Gjithashtu, qytetarët serbë në Mitrovicën e Veriut po marrin pjesë në mënyrë të organizuar në procesin zgjedhor.