Koalicioni politik VLEN ka kaluar një rrugëtim të vështirë drejt bashkimit, përballë skepticizmit dhe kundërshtimeve të brendshme. Disa nga anëtarët dhe faktorët e jashtëm nuk besonin se ky bashkim do të realizohej, madje punuan hapur për ta penguar atë. Megjithatë, më 9 maj, në Ditën e Evropës, pesë subjekte politike do të marrin një vendim historik në Kongresin e Bashkimit, duke u shndërruar nga partnerë dhe aleatë në një trup të vetëm politik. Ky bashkim është rezultat i durimit, besimit dhe vullnetit për të vendosur interesin e shqiptarëve mbi interesat partiake, duke synuar një përfaqësim më të fuqishëm dhe të organizuar në skenën politike shqiptare.