Në lagjen “Tregu i Gjelbër” në Gjilan po vazhdojnë me intensitet punimet për ndërtimin e një çerdhe të re, e cila pritet të përfundojë më së largu në fillim të vitit të ardhshëm. Projekti ka një vlerë investimi prej 885 mijë eurosh dhe do të ketë një sipërfaqe prej 900 metrash katrorë, duke siguruar kapacitet për 80 fëmijë. Kryeministri në detyrë, Albin Kurti, ka theksuar rëndësinë e edukimit të hershëm si një faktor kyç për zhvillimin dhe cilësinë e jetës së fëmijëve. Ai ka përmendur se kjo çerdhe do të ofrojë një ambient të përshtatshëm për rritjen dhe zhvillimin e fëmijëve në këtë lagje.