Sot shënohet një muaj nga zgjedhjet e parakohshme parlamentare të 7 qershorit në Kosovë, por procesi zgjedhor mbetet i papërfunduar për shkak të ankesave që po shqyrtohen nga institucionet kompetente. Komisioni Qendror i Zgjedhjeve ende nuk ka certifikuar rezultatet përfundimtare, duke shtyrë konstituimin e Kuvendit dhe formimin e institucioneve të reja. Lëvizja Vetëvendosje pretendon se ka numrat e nevojshëm për formimin e Qeverisë së re, por për zgjedhjen e presidentit kërkohet një marrëveshje më e gjerë politike, që mbetet ende e pazgjidhshme. Partitë opozitare presin certifikimin e rezultateve para se të marrin vendime për hapat e mëtejshëm, ndërsa njohësit e politikës theksojnë se sfida kryesore mbetet sigurimi i shumicës parlamentare dhe arritja e konsensusit për institucionet e reja.