Vlora Çitaku, sekretarja e Partisë Demokratike të Kosovës dhe ish-ambasadore, mori pjesë në dasmën e Luan Haradinajt, djalit të Shkëlzenit dhe Syzanës, duke e uruar atë me një mesazh të veçantë dhe emocionues. Ajo kujtoi një moment të veçantë nga fëmijëria e Luanit gjatë shënimit të Epopesë së Dukagjinit, ku ai tregoi pjekuri dhe qëndrim të jashtëzakonshëm për moshën e tij. Çitaku i kishte thënë Luanit atëherë që, kur të gjejë dashurinë dhe të rritet, të mos harrojë ta ftojë në dasmë – një premtim që ai e mbajti pas më shumë se një dekade. Në mesazhin e saj, ajo theksoi krenarinë që ndjeu duke e parë Luanin të shërbejë si oficer në Ushtrinë e Kosovës dhe e përmbylli me urimin: “U trashëgofsh, Luani i Kosovës”.