Sot shënohet një vit nga lirimi i përkohshëm i ish-Presidentit të Kosovës, Hashim Thaçi, për të vizituar babanë e tij në spital, i cili ndodhej në gjendje të rëndë shëndetësore. Kjo vizitë e shkurtër u realizua nën masa të rrepta sigurie dhe përfundoi me ndarjen nga jeta të Haxhi Thaçit disa ditë më pas, një moment i rëndë dhe emocional për familjen. Ndërkohë, procesi gjyqësor ndaj ish-krerëve të UÇK-së në Dhomat e Specializuara në Hagë ka përfunduar dhe gjykata është tërhequr për të marrë vendimin përfundimtar, i cili pritet të shpallet në muajt në vijim. Në Kosovë, ky vendim pritet me interes të madh publik dhe shoqërohet me besim në pafajësinë e ish-udhëheqësve të UÇK-së dhe në karakterin çlirimtar të luftës së tyre.