Vjosa Osmani ka prezantuar Albulena Bilallin si anëtare të re të listës së LDK-së për deputete, duke theksuar rrugëtimin e saj të veçantë që bashkon akademinë, artin dhe shkencën. Bilalli është doktoreshë e shkencës me gradën më të lartë akademike “Summa Cum Laude” dhe ka një karrierë ndërkombëtare në fushën e grafikës dhe industrisë, duke qenë e vetmja nga rajoni me këtë arritje në Universitetin e Zagrebit. Gjatë vitit të fundit, ajo ka punuar në hulumtime pranë Trepçës, duke kontribuar në projekte me potencial shkencor, industrial dhe kulturor, si dhe në modernizimin e laboratorëve të industrisë minerare në Kosovë. Me përvojën e saj unike dhe angazhimin në trashëgiminë kulturore shqiptare, Bilalli pritet të sjellë një frymë të re dhe të fuqishme në skenën politike kosovare.