Presidenti i Shqipërisë, Bajram Begaj, priti ambasadorin e Ekuadorit, Esteban Assar Moscoso Bohman, në një ceremoni zyrtare ku u paraqitën Letrat Kredenciale. Gjatë takimit, Begaj shprehu dëshirën për thellimin e marrëdhënieve mes Shqipërisë dhe Ekuadorit dhe për zgjerimin e bashkëpunimit në fusha të ndryshme me interes të përbashkët. Ai vlerësoi bashkëpunimin në organizata ndërkombëtare dhe kërkoi që Ekuadori të marrë në konsideratë njohjen e Republikës së Kosovës. Sipas tij, kjo njohje do të ishte një kontribut i rëndësishëm për paqen, stabilitetin dhe sigurinë në Ballkanin Perëndimor.