Ushtruesja e Detyrës së Presidentes së Kosovës, Albulena Haxhiu, mori pjesë në Gala Mbrëmjen për njohjen e Agjencisë së Kosovës për Akreditim nga Këshilli amerikan për Akreditimin e Arsimit të Lartë. Në fjalën e saj, Haxhiu theksoi rëndësinë e kësaj njohjeje si një arritje që forcon besueshmërinë e institucioneve akademike dhe vendos Kosovën në hartën ndërkombëtare të cilësisë në arsim. Ajo falënderoi të gjithë aktorët që kontribuuan në këtë proces, duke përfshirë edhe Ambasadën e SHBA-së për mbështetjen e vazhdueshme. U.D. Presidentja nënvizoi se kjo njohje është një hap i rëndësishëm drejt një të ardhmeje ku dija dhe merita në arsimin e lartë do të jenë shtylla kryesore të zhvillimit kombëtar.