Procesi i numërimit të fletëvotimeve nga votimi me postë për zgjedhjet e parakohshme të Kuvendit të Kosovës vazhdon në Qendrën e Numërimit dhe Rezultateve. Deri më 16 qershor 2026 janë numëruar 131 nga 223 kuti votimi, që përbën 58.74% të totalit, ku janë vendosur zarfet me fletëvotime të aprovuar nga shërbimi votues i KQZ-së. Votimi me postë u mundësua nga 21 maj deri më 6 qershor dhe përfshiu rreth 105 mijë votues të regjistruar jashtë vendit. Një ditë më parë, KQZ përfundoi vlerësimin e 85,790 pakove me fletëvotime, ku 82,809 u aprovuan dhe 2,981 u refuzuan, ndërsa pako të ndryshme u tërhoqën nga kutitë postare në 22 shtete dhe në Kosovë.