Procesi i numërimit të votave të ardhura me postë nga diaspora në zgjedhjet e 7 qershorit po vazhdon, me 80 kuti të numëruara deri tani, që përbëjnë rreth 36% të totalit. Sipas përditësimeve të Komisionit Qendror të Zgjedhjeve, Lëvizja Vetëvendosje prin me një përqindje të lartë prej 69.67% të votave të numëruara deri tani. Pas saj renditen Lidhja Demokratike e Kosovës me 15.17%, Partia Demokratike e Kosovës me 7.98% dhe Aleanca për Ardhmërinë e Kosovës me 5.34%. Numërimi i votave me postë pritet të vazhdojë edhe në orët në vijim, ndërsa rezultatet përfundimtare do të bëhen publike pasi të përfundojnë të gjitha procedurat e verifikimit dhe numërimit.