Në Mitrovicën e Veriut, Qendra e Numërimit është hapur në orën 10:00 dhe procesi i numërimit të 23 kutive me vota po zhvillohet pa asnjë problem. Nga kutitë e numëruara, 21 janë nga vendvotimet e rregullta, një për votat me kusht dhe një për personat me nevoja të veçanta. Deri në orën 12:30 është përfunduar numërimi i vetëm një kutie, ndërsa gjatë procesit nuk janë evidentuar parregullsi dhe dokumentacioni ka qenë në rregull. Në këtë qendër janë angazhuar katër ekipe në secilin ndërrim, secili me nga katër deri në pesë anëtarë, duke siguruar një proces të rregullt dhe të organizuar.