Grupi i asamblistëve të Lëvizjes Vetëvendosje në Prishtinë ka denoncuar kushtet e mësimit në shkollën “Ismail Qemali”, ku nxënësit po zhvillojnë orët mes mbeturinave dhe papastërtisë nëpër klasa. Asamblistja Nexhmije Gjema ka publikuar pamje që tregojnë ambientet e papastra, ndërsa ka theksuar se problemet janë raportuar prej 45 ditësh te kryetari i Prishtinës dhe Drejtoria e Arsimit pa marrë zgjidhje. Shefi i grupit të LVV-së, Gëzim Sveçla, ka kritikuar ashpër autoritetet lokale për papërgjegjshmëri dhe ka theksuar se fëmijët dhe prindërit nuk meritojnë të mësojnë në kushte të tilla. Denoncimet vijnë pas publikimit të pamjeve të shkollës, që kanë nxitur reagime për nevojën urgjente të përmirësimit të ambientit shkollor.