Kryetari i Mitrovicës, Faton Peci, ka marrë një vendim të rëndësishëm për qytetarët duke liruar oborret e disa shkollave për t’u përdorur si vendparkime falas. Kjo masë vlen për banorët dhe mërgimtarët gjatë periudhës së fluksit deri në shtator, duke u dhënë mundësi të gjejnë më lehtë vend për parkim. Hapësirat e shkollave si Gjimnazi “Frang Bardhi” dhe disa shkolla të tjera do të jenë në dispozicion të qytetarëve pa pagesë. Peci ka apeluar që vendparkimet të përdoren në mënyrë racionale për të përfituar sa më shumë nga kjo mundësi.