Oda e Mjekëve të Kosovës ka shprehur mbështetjen e saj për Marshin e Ushtrisë Çlirimtare të Kosovës, një aktivitet që synon të nderojë kontributin për lirinë dhe pavarësinë e vendit. Kryetari i Odës, Dr. Pleurat Sejdiu, priti përfaqësuesit e platformës “Liria ka emër” për të diskutuar zhvillimet dhe aktivitetet në mbështetje të vlerave të luftës së UÇK-së. Gjatë takimit u fol edhe për mundësitë e bashkëpunimit institucional mes Odës së Mjekëve dhe platformës, si dhe për mbështetjen e mëtejshme të Marshit. Përfaqësuesit e platformës falënderuan Odën për përkrahjen, ndërsa u dakordua të vazhdohet komunikimi dhe bashkëpunimi në aktivitete të përbashkëta në të ardhmen.