Nënkryetari i Aleancës, Smajl Latifi, ka bërë të ditur se kjo parti ka paraqitur gjashtë pika ofertë për qeverinë e ardhshme, të cilat nuk janë kushte, por propozime për të ndihmuar formimin dhe konsolidimin e institucioneve pas zgjedhjeve. Ai theksoi se nëse qeveria e re pranon publikisht këto pika, Aleanca do të sigurojë kuorumin e nevojshëm për formimin e institucioneve, duke shmangur kështu zgjedhjet e reja. Oferta përfshin çështje strategjike si furnizimi me gaz të lëngshëm amerikan, investime energjetike, përmbylljen e projekteve infrastrukturore, rritjen e pragut të TVSH-së për bizneset e vogla dhe heqjen e tatimit për tokën e punuar. Latifi nënvizoi se këto masa janë në interes të qytetarëve dhe nuk kërkojnë poste apo favore politike, por vetëm angazhim për realizimin e tyre nga qeveria e ardhshme.