Raporti i fundit i Komitetit për Eliminimin e Diskriminimit Racor (CERD) të Organizatës së Kombeve të Bashkuara konfirmon diskriminimin sistematik dhe institucional ndaj shqiptarëve në Luginën e Preshevës. Ish-deputetja Arbëreshë Kryeziu Hyseni thekson se ky dokument evidenton probleme të shumta, si gjuhën e urrejtjes, mungesën e përfaqësimit institucional dhe shkeljen e të drejtave themelore, përfshirë pasivizimin e adresave. Ky raport është rezultat i një pune të gjatë lobimi nga përfaqësuesit shqiptarë dhe mbështetjes institucionale të Qeverisë së Kosovës, ndërsa Serbia përpiqet të bllokojë fondet për këtë rajon. Kryeziu Hyseni falënderon aktivistët dhe institucionet që kontribuuan në arritjen e këtij konstatimi, duke nënvizuar rëndësinë e mbrojtjes së të drejtave të shqiptarëve në Luginën e Preshevës.