Deputetët e opozitës kanë kërkuar paraqitjen urgjente të ministrit të Jashtëm, Ferit Hoxha, në Komisionin Parlamentar për të sqaruar dy incidente serioze diplomatike. Sipas opozitës, ministri Hoxha ka udhëzuar që znj. Donika Gërvalla, ministre e Drejtësisë dhe ish-ministre e Punëve të Jashtme të Kosovës, t’i pamundësohet çdo komunikim me ministrat e Shqipërisë, duke krijuar tensione në marrëdhëniet ndërshqiptare. Gjithashtu, ministri akuzohet për përdorimin e një shprehjeje fyese ndaj shqiptarëve të Maqedonisë së Veriut, duke dëmtuar imazhin diplomatik të Shqipërisë dhe shkaktuar reagime të ashpra nga përfaqësuesit politikë të tyre.