Platforma qytetare “Liria Ka Emër” ka vendosur në Gjakovë “Orën e Pritjes”, një iniciativë që numëron mbrapsht deri më 16 shtator, datë kur pritet aktgjykimi ndaj ish-krerëve të UÇK-së: Hashim Thaçi, Kadri Veseli, Jakup Krasniqi dhe Rexhep Selimi. Në aktivitetin e organizuar në Gjakovë kanë marrë pjesë shumë qytetarë, të cilët mbajnë mbishkrimin “Në emër të popullit, shpalleni TË PAFAJSHËM!”, duke shprehur mbështetjen dhe pritjen për drejtësi. Nga ky qytet është përcjellë mesazhi i fortë për kthimin në atdhe të tyre dhe për respektimin e luftës së drejtë të UÇK-së. Aktivitetet e platformës vazhdojnë me Marshin për Liri, që do të mbahet më 12 shtator në Prishtinë, ku qytetarët ftohen të bashkohen në mbështetje të çlirimtarëve.