Në Drenas ka nisur aktiviteti “Ora e Pritjes”, i cili numëron mbrapsht deri më 16 shtator, datë e shpresuar për drejtësi dhe liri për Hashim Thaçin, Kadri Veselin, Jakup Krasniqin dhe Rexhep Selimin. Ky event u organizua në bashkëpunim me Komunën e Drenasit dhe u mbështet nga platforma qytetare “Liria Ka Emër”, ku morën pjesë përfaqësues politikë, aktivistë dhe qytetarë, përfshirë kryetarin Ramiz Lladrovci. Gjatë aktivitetit u shpalos një baner gjigant me mesazhin “Në emër të popullit, shpalleni TË PAFAJSHËM!”, duke përcjellë një thirrje të fuqishme për drejtësi dhe kthim në atdhe të të akuzuarve. Përveç kësaj, u njoftua se aktivitetet do të vazhdojnë me Marshin për Liri më 12 shtator në Prishtinë, ku qytetarët janë ftuar të bashkohen në mbështetje të çlirimtarëve dhe luftës së drejtë të UÇK-së.