Komuna e Prizrenit ka vendosur të zgjatë orarin e punës në Qendrën Kryesore të Mjekësisë Familjare “Dr. Nexhip Berisha” deri në orën 22:00. Ky vendim synon të përmbushë nevojat e qytetarëve dhe të lehtësojë qasjen në shërbimet shëndetësore, veçanërisht gjatë sezonit veror kur rritet fluksi i pacientëve. Në këtë periudhë përfshihen edhe bashkatdhetarët që kthehen për pushime në vend, duke shtuar kërkesën për kujdes mjekësor. Zgjatja e orarit pritet të reduktojë pritjet dhe të sigurojë shërbim më efikas në orare më fleksibile për të gjithë pacientët.