Misioni i OSBE-së në Kosovë ka shprehur shqetësim për paqartësitë e vazhdueshme lidhur me financimin e Radio Televizionit të Kosovës (RTK). Sipas OSBE-së, RTK duhet të ketë një financim të mjaftueshëm dhe të parashikueshëm për të ruajtur pavarësinë dhe për të përmbushur mandatin e tij si shërbim publik që shërben të gjitha komunitetet në vend. OSBE ka bërë thirrje institucioneve përkatëse që të sigurojnë fondet e nevojshme për RTK-në. Gjithashtu, organizata ka kërkuar nga Kuvendi i Kosovës që të vazhdojë procesin e zgjedhjes së anëtarëve të Bordit të RTK-së në kohë, në përputhje me ligjin në fuqi.