Organizatë Shqyrtuese e Prokurimit Publik (OSHP) ka konstatuar shkelje nga Komuna e Prishtinës në procedurën e tenderit për ndërtimin e tribunës së stadiumit “Flamurtari” në Hajvali. Komuna dhe zyrtari përgjegjës i prokurimit nuk kanë respektuar vendimin e mëparshëm të OSHP-së, duke vazhduar me të njëjtin veprim edhe pas kthimit të tenderit në rivlerësim. OSHP-ja ka urdhëruar Komunën që brenda pesë ditësh të njoftojë për zbatimin e vendimit, duke paralajmëruar se në rast të mosrespektimit do të kërkojë anulimin e licencës së zyrtarit të prokurimit. Tenderi është rekomanduar përsëri për grupin operator DachGroup SH.P.K. dhe Papi.S Construction SH.P.K., ndërsa ankesa nga kompania N.T.SH. “AR-DRITI” ka çuar në anulimin e vendimit të Komunës dhe rivlerësimin e procedurës.