Ish-presidentja Vjosa Osmani ka denoncuar ashpër sulmet linçuese dhe fyerjet që po i bëhen në rrjetet sociale nga eksponentë të Lëvizjes Vetëvendosje. Ajo e ka bërë përgjegjës kryeministrin Albin Kurti, duke thënë se asnjë sulm nuk ndodh pa dijeninë dhe urdhërat e tij. Osmani ka theksuar se sulmet ndaj grave në politikë janë më të ashpra dhe se po përdoren edhe teknologji si inteligjenca artificiale për manipulim. Ajo ka shtuar se këto sulme janë të nivelit të një tjetër dimensioni dhe po vazhdojnë që nga data 6 mars, duke e cilësuar këtë fushatë si të paprecedentë në historinë e Kosovës.