Pas takimeve në Prishtinë dhe Istog, kryetari i Lidhjes Demokratike të Kosovës, Lumir Abdixhiku, dhe bartësja e listës së kandidatëve të kësaj partie, Vjosa Osmani, kanë vijuar dialogun me qytetarët në Viti përmes platformës “Hajde folim”. Në këtë tubim të organizuar në qendër të qytetit, ata u përgjigjën drejtpërdrejt pyetjeve të qytetarëve, duke dëgjuar shqetësimet dhe sugjerimet e tyre. Kjo iniciativë synon të forcojë komunikimin mes politikës dhe qytetarëve nëpërmjet një platforme interaktive. Takimet e mëparshme në Prishtinë dhe Istog kanë shënuar një vazhdimësi të angazhimit të tyre për t’u afruar me komunitetet lokale.