Presidentja e Kosovës, Vjosa Osmani, priti në takim ambasadorin e Turqisë në Kosovë, Sabri Tunç Angılı, ku diskutuan për marrëdhëniet e shkëlqyera dypalëshe dhe zhvillimet aktuale politike. Osmani vlerësoi thellësisht mbështetjen e vazhdueshme të Turqisë ndaj Kosovës, veçanërisht në fushat e mbrojtjes, diplomacisë dhe forcimit të kapaciteteve të Forcës së Sigurisë së Kosovës. Ajo falënderoi veçanërisht Presidentin Recep Tayyip Erdoğan dhe ambasadorin Angılı për përkushtimin dhe angazhimin e tyre në përkrahjen e Kosovës në procesin e njohjeve ndërkombëtare. Të dy palët riafirmuan përkushtimin për forcimin e mëtejshëm të partneritetit në funksion të paqes, stabilitetit dhe zhvillimit, ndërsa në fund u përmend edhe ndeshja kualifikuese për FIFA World Cup 2026 ndërmjet Kosovës dhe Turqisë, me dëshirën që ajo të zhvillohet në frymën sportive dhe respektin e ndërsjellë.