Ministri i Mbrojtjes së Kosovës, Ejup Maqedonci, së bashku me Presidenten Vjosa Osmani-Sadriu dhe Kryeministrin Albin Kurti, morën pjesë në ceremoninë e ndërrimit të komandës në Grupin Luftarak shumëkombësh Lindje, e mbajtur në kampin amerikan Camp Bondsteel. Në këtë ceremoni, Maqedonci falënderoi Kolonel Jonathan Lloyd për kontributin dhe përkushtimin gjatë mandatit të tij dhe i uroi suksese Kolonel Samuel Sargeant në detyrën e re. Ai theksoi rëndësinë e partneritetit me NATO dhe misionin KFOR për sigurinë e Kosovës dhe përparimin e vendit në rrugën euroatlantike. Ky partneritet mbetet kyç për stabilitetin dhe zhvillimin e Republikës së Kosovës.