Ish-presidentja e Kosovës, Vjosa Osmani, ka bërë homazhe në Shtuticë e Vërboc për të përkujtuar 27-vjetorin e masakrës ku u vranë 275 martirë dhe mbi 40 dëshmorë nga forcat serbe gjatë luftës në Kosovë. Në mesin e viktimave ishin edhe dy djemtë e dajvë të saj, Luani dhe Rexhepi, të cilët ajo i kujtoi me mall dhe respekt të veçantë. Gjatë kësaj dite, Osmani qëndroi pranë familjeve të viktimave dhe nderoi gjithashtu heroin e kombit, Ilaz Kodra, komandant i Ushtrisë Çlirimtare të Kosovës, i cili u ngrit si mburojë për popullsinë civile në përballje me forcat serbe. Përkujtimi i kësaj ngjarjeje tragjike dhe nderimi i dëshmorëve mbetet një mesazh i fuqishëm për kujtesën dhe respektin ndaj sakrificës së tyre në luftën për liri.