Ish-presidentja dhe kandidate për presidente e LDK-së, Vjosa Osmani, në një intervistë për televizionin turk TRT ka theksuar se Kosova është një demokraci e konsoliduar që nuk lejon përqendrimin e pushtetit në duart e një individi apo subjekti të vetëm politik. Ajo ka sqaruar se kjo nuk është një kritike ndaj ndonjë partie apo personi të veçantë, por një parim i përgjithshëm që duhet të mbrojë funksionimin e institucioneve demokratike. Osmani ka nënvizuar rëndësinë e ndarjes së pushteteve dhe bashkëpunimit ndërmjet forcave politike për të garantuar stabilitetin dhe interesin e qytetarëve. Sipas saj, sistemi demokratik i Kosovës nuk mbështet modele ku një aktor politik synon të ketë kontroll të plotë mbi mekanizmat institucionalë.