Organizata e Veteranëve të Luftës së UÇK-së ka shprehur shqetësim për zhvillimet e fundit politike në Kuvendin e Kosovës, duke theksuar rëndësinë e respektimit të Kushtetutës dhe funksionimit demokratik të institucioneve. OVL-UÇK kërkon që çdo veprim që ngre dyshime për tejkalim të kompetencave apo cenim të Kushtetutës të trajtohet me përgjegjësi të lartë institucionale dhe në përputhje me ligjin. Organizata i bën thirrje shumicës parlamentare të veprojë me maturi dhe përgjegjësi, duke siguruar procese të rregullta dhe gjithëpërfshirëse në Kuvend. Veteranët e luftës për liri theksojnë se do të qëndrojnë në mbrojtje të rendit kushtetues, shtetit ligjor dhe institucioneve të Kosovës, të ngritura mbi sakrificën e popullit dhe luftën çlirimtare të UÇK-së.