Organizata e Veteranëve të Luftës së Ushtrisë Çlirimtare të Kosovës (OVL-UÇK) ka njoftuar se do të përqendrojë aktivitetin e saj në fushën diplomatike dhe institucionale në lidhje me Gjykatën Speciale, duke paralajmëruar një ofensivë diplomatike deri më 16 shtator. Gjatë periudhës së fundit, OVL-UÇK ka dërguar rreth 300 letra personaliteteve ndërkombëtare dhe vendore, ka zhvilluar takime me ambasadorë, kryetarë partie (përjashtuar kryetarin e LVV-së), si dhe me institucione ndërkombëtare si Parlamenti i Zvicrës, Parlamenti Evropian dhe Vatikanin. Organizata ka mbledhur rreth 200 mijë nënshkrime në një peticion të dorëzuar në Gjykatën Speciale dhe ka organizuar protesta dhe aksione simbolike në Kosovë dhe jashtë saj, duke përfshirë vende si Prishtina, Haga, Tirana, Strasburgu dhe Maqedonia e Veriut. Në mbledhjen e fundit, Kryesia e OVL-UÇK-së vendosi gjithashtu përjashtimin e anëtarit Skënder Llugiqi për deklarata kundër gjeneralit Ramush Haradinaj, duke theksuar se Gjykata Speciale është një gjykatë me ndikim politik dhe se veprimtaria do të vazhdojë me fokus diplomatik dhe institucional për të parandaluar vendime me karakter politik.