Organizatën e Veteranëve të Luftës së UÇK-së përshkroi fjalimet e fundit të ish-krerëve të Ushtrisë Çlirimtare të Kosovës në Dhomat e Specializuara të Hagës si një përballje dinjitoze me të vërtetën para trupit gjykues. Nënkryetari i OVL-UÇK-së, Fatmir Sopi, theksoi se fjalimet ishin dëshmi e angazhimit atdhetar dhe qëndresës gjatë një procesi të gjatë gjyqësor, duke vlerësuar veçanërisht paraqitjet e ish-presidentit Hashim Thaçi, Kadri Veselit, Rexhep Selimit dhe Jakup Krasniqit. Ai u shpreh i bindur se trupi gjykues ka marrë parasysh dëshmitë ndërkombëtare dhe shprehu besimin se ish-krerët e UÇK-së do të lirohen, duke theksuar se ata janë më meritorët për lirinë e Kosovës pas dëshmorëve. Seanca përmbyllëse në procesin gjyqësor ndaj tyre u mbajt në Hagë, ku ish-krerët janë në paraburgim që nga nëntori i vitit 2020.