Instituti Columbus ka publikuar një raport që evidenton mungesat serioze në mbrojtjen sociale dhe të drejtat në punë të pacientëve me kancer në Kosovë. Sipas raportit, pas vetëm 20 ditësh pushim mjekësor të kompensuar, pacientët mbeten pa mbështetje financiare për periudha më të gjata trajtimi, duke u përballur me pasiguri ekonomike dhe profesionale. Hulumtimi tregon se shumica e pacientëve kërkojnë pushim më të gjatë, mbështetje financiare, fleksibilitet në punë dhe mbrojtje nga largimi. Instituti Columbus rekomandon reforma ligjore dhe institucionale për të zgjatur periudhën e mbështetjes, krijuar skema sigurimesh dhe mekanizma rikthimi gradual në punë.