Zyra Kombëtare e Auditimit ka zbuluar parregullsi në Ministrinë e Punëve të Jashtme dhe Diasporës gjatë mandatit të Donika Gërvallës, duke përfshirë një rast në Ambasadën e Kosovës në Berlin. Në këtë rast, është paguar një firmë ligjore për këshillim dhe përfaqësim me 300 euro për orë, pa emëruar menaxher për monitorimin e kontratës. Si pasojë, operatori ekonomik faturonte Konsullatën e Kosovës në Frankfurt me një shumë prej 39 mijë e 181 euro, pa dëshmi të mjaftueshme që të vërtetonin shërbimet e kryera. Mungesa e menaxherit të kontratës ka rritur rrezikun që pagesat të mos jenë të justifikuara dhe të mos pasqyrojnë realisht shërbimet e ofruara.