Komisioni Qendror i Zgjedhjeve ka vendosur të rrisë për 10 euro pagesën për komisionerët dhe vëzhguesit që do të angazhohen në zgjedhjet e parakohshme më 7 qershor. Ky vendim u njoftua nga anëtari i Lëvizjes Vetëvendosje në KQZ, Alban Krasniqi, i cili theksoi se rritja u bë duke marrë parasysh nivelin e jetesës dhe nevojën për të mbuluar shpenzimet e pjesëmarrësve në procesin zgjedhor. Sipas Krasniqit, 60 për qind e buxhetit të planifikuar për zgjedhjet i dedikohet pagesave të personelit të angazhuar në Këshillat e Vendvotimit dhe trupat zgjedhore. Fushata zgjedhore do të zgjasë 10 ditë, nga 28 maji deri më 7 qershor në orën 7:00, kur do të hapen vendvotimet, ndërsa për organizimin e zgjedhjeve janë planifikuar rreth 11 milionë euro.