Nënkryetari i AAK-së, Pal Lekaj, ka deklaruar se Aleanca nuk diskuton aspak mundësinë e moskalimit të pragut në zgjedhjet e ardhshme dhe synon të hyjë në garë për të fituar. Ai kritikoi ashpër Qeverinë Kurti, duke thënë se është e zhytur në korrupsion dhe nuk ka vizion për shtetin, por vetëm për partinë e vet. Lekaj theksoi se Kurti ka injoruar opozitën dhe ka monopolizuar pozitat kryesore në shtet, duke përmendur tenderët një-burimorë dhe projekte të papërfunduara si prova të keqmenaxhimit dhe korrupsionit. Ai gjithashtu njoftoi se AAK nuk do të pranojë ftesa për bashkëpunim nga Kurti, duke theksuar se nuk do të bien në “kurthin” e tij.