Kryetari i Aleancës Kosovare për Biznes, Agim Shahini, ka paralajmëruar se Kosova po përballet me një nga momentet më të rrezikshme politike që nga paslufta, ku bllokimi institucional po rrezikon të fusë vendin në një krizë të thellë. Ai ka theksuar se nëse shkohet në zgjedhje të reja, kjo do të jetë një goditje e rëndë për shtetin dhe ekonominë, pasi bizneset dhe ekonomia nuk mund të përballojnë një periudhë të gjatë pa institucione funksionale. Shahini ka bërë thirrje që Kosova të mos mbetet peng i kalkulimeve politike dhe ka kërkuar përgjegjësi dhe vendime të mëdha shtetërore për të shmangur humbjet e investimeve dhe pasigurinë ekonomike. Mesazhi i tij është i qartë: ose zgjidhje e menjëhershme politike, ose zgjedhje të reja me pasoja serioze, pasi vendi meriton stabilitet dhe lidership, jo krizë të re politike.