Kryetari i Organizatës së Veteranëve të Luftës së UÇK-së, Hysni Gucati, ka paralajmëruar protesta të mëdha nëse ish-krerët e UÇK-së shpallen fajtorë nga Gjykata Speciale në Hagë. Ai shprehu shpresën që ish-krerët do të kthehen të pafajshëm në Kosovë, por në rast të një vendimi dënues, reagimi qytetar do të jetë i fuqishëm dhe i organizuar. Gucati theksoi se protesta nuk do të kufizohen vetëm në Kosovë, por mund të përfshijnë edhe Shqipërinë, Maqedoninë e Veriut dhe trevat e tjera shqiptare. Ai paralajmëroi se situata mund të eskalojë dhe të ketë demonstrata dhe revoltë qytetare nëse ndodh dënimi.