Sipas raportit të Institutit të Kosovës për Drejtësi, partitë politike në programet e tyre zgjedhore për zgjedhjet parlamentare të qershorit 2026 flasin për drejtësinë dhe luftën kundër korrupsionit, por nuk paraqesin plane konkrete reformash. Asnjëra prej tyre nuk trajton në mënyrë të plotë reformën në drejtësi dhe mungon referimi ndaj Strategjisë për Sundimin e Ligjit 2021–2026, dokument ky kyç për këtë fushë. Lëvizja Vetëvendosje është partia që i kushton më shumë vëmendje sundimit të ligjit dhe përmend vettingun, por nuk sqaron mënyrën e realizimit të tij, ndërsa propozimet e saj për institucione të reja mbeten të paqarta në lidhje me institucionet ekzistuese.