Ministri i Drejtësisë, Igor Filkov, zhvilloi një takim me përfaqësues të Kombeve të Bashkuara dhe UNOPS për të diskutuar transformimin digjital të sistemit gjyqësor në Maqedoni. Palët ranë dakord për krijimin e një partneriteti strategjik që synon modernizimin e gjyqësorit përmes rritjes së efikasitetit, transparencës dhe qasjes më të lehtë për qytetarët. Në fokus janë përmirësimi i sistemit AKMIS, futja e dorëzimit elektronik, avancimi i incizimit audio dhe video të seancave, si dhe rritja e sigurisë kibernetike në sektorin e drejtësisë. Ministri Filkov theksoi rëndësinë e mbështetjes së OKB-së dhe përkushtimin për ndërtimin e një sistemi gjyqësor modern, të harmonizuar me standardet evropiane dhe ndërkombëtare.