Pas faljes së namazit të Kurban Bajramit në Prishtinë, qytetarët dhe besimtarët myslimanë përcollën mesazhe të forta për paqe, tolerancë dhe solidaritet. Shumë prej tyre shprehën shqetësim për përçarjet politike dhe sociale që po ndodhin, duke bërë thirrje për më shumë unitet mes shqiptarëve dhe mirëkuptim mes shtresave të ndryshme. Avokati Arianit Koci vlerësoi fjalimin e myftiut dhe shpresoi që ky vit të sjellë më shumë paqe dhe tolerancë në shoqëri. Mesazhet e qytetarëve ishin të përqendruara në nevojën për harmoni, solidaritet dhe ndihmë ndaj më të varfërve, si dhe për bashkëjetesë paqësore ndërmjet komuniteteve dhe feve të ndryshme.