Ish-diplomati austriak Wolfgang Petritsch ka shprehur shqetësim për humbjen dramatike të besimit në Kosovë për shkak të mbajtjes së zgjedhjeve të njëpasnjëshme. Ai thekson se mungesa e një qeverie stabile dhe pamundësia për të zgjedhur president po dëmton seriozitetin e shtetit kosovar. Sipas Petritsch, kjo situatë mund të forcojë qëndrimin e vendeve që nuk e njohin Kosovën për të mos e pranuar pavarësinë e saj. Ai i bën thirrje qytetarëve që të kërkojnë përgjegjësi nga partitë që drejtojnë institucionet dhe të kërkojnë veprime konkrete për të përmirësuar gjendjen politike.