Kryetari i Partisë Demokratike të Kosovës, Bedri Hamza, ka deklaruar një portofol të pasurisë së tij që përfshin tri banesa, tri garazha, një shtëpi dhe një tokë prej një hektari. Banesat përfshijnë një apartament 120 metra katrorë të blerë në vitin 2011 me kredi dhe shitje banese në Mitrovicë, një tjetër 98 metra katrorë të blerë në vitin 2007 me vetëfinancim, si dhe një banesë 60 metra katrorë në pronësi të bashkëshortes, blerë në vitin 2019. Garazhet janë blerë në vite të ndryshme, përfshirë një garazh 16 metra katrorë në vitin 2022, një tjetër 30 metra katrorë në vitin 2018 dhe një garazh të trashëguar dhe të renovuar në vitin 2021. Në listën e pasurisë është edhe një tokë prej një hektari e trashëguar në vitin 2000 dhe një shtëpi 72 metra katrorë e trashëguar dhe e renovuar në vitin 2021.