Diplomatë dhe ish-zyrtarë ndërkombëtarë paralajmërojnë se sfida më e madhe për Kosovën nis pas përfundimit të zgjedhjeve, gjatë procesit të formimit të institucioneve dhe sigurimit të stabilitetit politik. Ata theksojnë se pa një kompromis dhe bashkëpunim ndërmjet forcave politike, vendi rrezikon stagnim institucional dhe humbje të interesit nga investitorët dhe partnerët ndërkombëtarë. Ish-ministri britanik Denis MacShane nënvizon rëndësinë e koalicioneve në Evropë dhe nevojën që Kosova të gjejë rrugën e saj përpara për të tërhequr mbështetje të jashtme. Ndërkaq, ish-diplomati Daan Everts shpreh zhgënjimin për mungesën e bashkëpunimit politik, duke bërë thirrje për kapërcimin e ndasive dhe ndërtimin e institucioneve funksionale që do të garantojnë të ardhmen e vendit.