Patriarku serb Porfirije i ka dërguar një letër krerëve të shteteve të ndryshme, përfshirë SHBA-në, Rusinë dhe Vatikanin, ku shpreh shqetësimin e tij për dy ligjet e reja të Kosovës që do të hyjnë në fuqi më 15 mars, lidhur me automjetet dhe të huajt. Ai paralajmëron se këto ligje do të prekin rëndë komunitetin serb, duke kufizuar mundësitë për arsim dhe trajtim shëndetësor në institucionet paralele në Mitrovicë dhe shkollat e tjera. Sipas Porfirijes, zbatimi i ligjeve do të çojë në humbjen e vendeve të punës për punonjësit në arsim dhe shëndetësi, duke shkaktuar largimin masiv të serbëve ortodoksë nga kjo zonë historike. Ai thekson gjithashtu rrezikun për shkatërrimin e trashëgimisë së kishave, manastireve dhe vendeve të shenjta ortodokse në Kosovë.