Pas bojkotimit të dy seancave plenare, Partia Demokratike vendosi të marrë pjesë në seancën e sotme pas një mbledhjeje intensive të Grupit Parlamentar. Debatet e brendshme sollën reflektim dhe një ndryshim strategjie, ndërsa Gazmend Bardhi kërkoi nga deputetët të përgatiten për pjesëmarrjen në punimet e Kuvendit. Sipas raportimeve, ata janë nisur drejt Parlamentit për të marrë pjesë në seancë, duke shënuar një kthesë në qëndrimin e opozitës. Nga ana tjetër, Sali Berisha kritikoi ashpër mazhorancën, duke e akuzuar për injorimin e kërkesave të protestuesve dhe për bllokimin e amendamenteve opozitare.