Dy kandidatët e PDK-së, Bekim Haxhiu dhe Qëndrim Kryeziu, nuk heqin dorë nga kërkesa për rinumërim të plotë të votave, pavarësisht se tri ankesat e tyre janë refuzuar nga PZAP dhe Gjykata Supreme. Kryeziu dhe Haxhiu planifikojnë të dorëzojnë të premten ankesa të reja, të cilave do t’u bashkëngjisin një dokument të ri që sipas tyre tregon mbi 500 vota të fshehura nga KQZ në favor të PDK-së. Afati për dorëzimin e ankesave po mbyllet, ndërsa Gjykata Supreme nuk ka pranuar ankesa të tjera deri tani dhe ka vetëm tri ditë kohë për të trajtuar rastet. Ky proces është vendimtar për certifikimin përfundimtar të rezultateve zgjedhore, i cili pritet të ndodhë më së largu më 6 korrik.